آچیلما  سیندا شاعیر (قوجا)شاعیر (سیرداش) وشاعیر(موغان اوغلو) کی اوچ کیتابی ایشق

اوزو گورموش و ایکی کیتابی چاپ آلتیندا اولان قارداشیمین هر طرفلی یاردمی ایله بو  وبلاک

 اوزه چیخمیشدیر و بونون ایچون اوز مینتدارلیغیمی بو عزیز وحورمتلی شاعیرلریمیزه بیلدیریب

 و آللاهدان بونلارا جان سالیغی و عایله سعادتی آرزولایرام. 

///بودا بیزه آتالاریمیزدان قالان بیر اونملی مثل/// 

/// آریق آتیم--- سالامات آتیم//--- آچیق آتیم---

  هانی؟آتیم//--- باغلی آتیم---- بودور! آتیم////

بیل دیگینیز کیمی جناب دوکتور گوئنیلی ده اوز ((گونئی مدنیت اوجاغی))۲

کیتابیندا آتالار سوزونو ائله گوزل قیید ائدیبلر و اولدوغوکیمی قووللوغونوزا

چاتدیریلر .

                   (( بیرینجی: فلکلور ندیر))؟؟؟؟؟؟؟؟؟؟؟؟؟

بیرینجی دونه اولاراق،میلادی تاریخی ایله ۱۸۸۵ـ جی ایلده آوروپادا

<<آمبروئیس مورتون>>اسکی مدنییت اثرلری و خالق ادبییاتین((folk ـ  

 خالق))ـ lorـ بیلیم))فولکلور خالق بیلیمی آدلاندیردی اولجه لاتین

دیللی  اولکه لرده بو سوز ایله راضیلاشان یاراق،باشقا سوز جوکلر 

یارادیب ایره لی سوردولر،لاکین نهایتده همین فولکلور عیبارتی نین

داها اویغون اولدوغونو تصدیق ادیبلر.

     ((ایکینجی:فولکلور و توپلاماق و اویره نمکدن  مقصد نه دیر))؟ 

اونجه ایشاره ائدیلن کیمی فولکلور خالقین گئچمیشی نین آیناسی،وارلیق 

 و حوییتی نین سندی،اولوبابالاردان قالمیش میللی ـ معنوی ثیروتی ـ دیر.

فولکلور توپلاما ایشی یالنیز بیزده دییل،بلکه دونیانین چوخ قاباقجیل میللیتلری

ده بو ایشلره تشبوث  گوسترمیشلر، کئچن عصری  ده آوروپالیلار، میللی ـ

معنوی ثیروتلری سایدیقلاری فولکلورو، صنعتین تکرلری  آلتیندا  ازیلمکده

گوردوکده ،اونو یاراداجاقلاری ادبیات ـ اینجه  صنعتین  داد ـ دوزو و  چوخلو

عئلملرین مایاسی کیمی دیر لندیریب،نتیجه ده توپلاییب ساخلاماسینا جان

آتدیلار ،بئله کی((ایرلند)) کیمی  کیچیک بیر  اولکده،اوزه  ریندن  فولکلور

نومونه لری  توپلانان و قلمه آلینان کاغیذلارین  آغیرلیغی آلتمیش  خالوارا

چاتدی.

بس  بیزده فولکلور توپلاما ایشی گئجیکیبدیرسه،یعنی مدنییت دوشمنلری

نین تبلیغاتی  و اوزوموزون  ده بعضاْ تنبللیک،بعضاْ  بیلمه  دیگیمیز، بلکده

 دوشمنلره ایناندیغیمیزین اوجوندان،مینلرجه تئرمین،آتالار سوزو،حئکمت،

درین و فلسفی دوشونجلر داشییان باشقا عیبارتلر و ساییره نی  ایتیر

میشیکسه ، ((زییانین یاریسیندان قاییتماق قازانجدیر))دئیه،قالان فولکلور

نومونه لریمیزی توپلامالی ییق.

فولکولور و تامامیله و یا قیسماْ ایتیرنده،آتاـ آنالاردان قالمیش زنگین تجروبلر،

بیلیکلر،بیر  سوزله حیات بویو گره گیمیز  اولاجاق چوخلو  مادی، معنوی

ملزوماتی ایتیریریک.

وبونون ایچون عزیز وحورمتلی دوستلاردان و قلمداشلاردان ائسته یم بودور

اوز بیلدیکلرینی بیزده ن اسیرگمه سینلر یولونوزو گوزلویه جه یم .  

                   ((درین حورمتله فهیمی اناری))

                                           آدام وار کی آداملارین ناقشیدیر

آدام وار کی حیوان اوندان یاخشیدیر

                                            آدام وار کی دیندیره سن جان دئییر

آختارماقنان دئییل دوز گلمه ینندی

آخوند اولماسین آزار!

آدام آدامین اتین یئیر.

آداما آدامی گره ک  دیر.

آدام آلتیندا سوز .قازان آلتیندا کؤز.

آدام بیلمیر هانکی سازینا اویناسین.

اینسان دییللشه دییللشه . حیوان ائیلشه ائیلشه.

آدام گره ک یا مکتب خانادان چیخا. یا دیوان خانادان.

آدام  آجینی اوتار. بیر شیرینین خاطرینه.

آدام وار کی قال ائیله قول تاپار. آدام وار کی آقچا ایله پول تاپار.

آداملیق پولونان دئییل کی  بازاردان آلاسان.

آدملیقی آدامنان  ایسته. خوش اییی قیزیل گولدن .

آدما سوزو بیر دفعه دییرلر.

آدامی آدام ائیله ین پارادیر-پاراسیز آدامین اوزوی قارادیر.

آدامی پالتارینان تانیمازلار.

آدامی تانینان یرده قوردیسین

آدامین سفیهی شاطیر اولار،ایتین سفیی تازی.

آدامین سفیی یا پهلوان اولار یا شاخ سیده طبلچی.

آدین ندیر رشید. بیرین دئ بیرین ائشید.

آدین هئیبت اوللاه دیر یا منی قورخودورسان.

آدی اوزوندن بؤ یوک دور.

آدی ایت دفترینده ده یوخدور.

آرادا یئیر اوجدا گزر.

آرا قاریشیب. منصب ایتیب.

آرالیق آتی. کور فاطی.

آرالیق سوزوی ایو یئخار.

آتی قیرخ یاشیندا اویرتسن قیامت میدانیندا چاپئلار

آت توئله میخین چیخاردار ایکی اوزونه بیر یئره وورار

آت قاشدی پالان دوشدی

آت گورنده آغسایار سو گورنده سوسویار

آتینا ائششک دئمیشم یا دوه نه کوششک ؟

آتین دایدیر ایشین زایدیر

آتی اوتوزوب چولونا گووه نیر

آتی ایتیریب نوختاسین آختاریر

آت یئرینه ائششک باغلاما

آتین آریغینا قاری دیه للر ایگیدین یوغسولونا دلی

آج آدامی قورت یئمه ز

آج آجی آلدی آجدان له لو و ون توره دی

آجالدین چوبانا،یورولدون ساروانا ساری

 آج اولوب ییه ه ن ناساز اولماز

 آج تویوخ دیشینده بوغدا گوره ر

آج تویوخ یوخودا داری گوره ر

آجدان اومماق اولماز

آج دیه ر توخالمارام توخ دیه ر آجالمارام

آج یاسدیق ایستمز یوخولو قاتیق

آج قارنینینان آجی ساقیز(سقز) چینییرسن!

آج قیلینجا چاپار

آج قودورغان اولار  چیلپاق اویناغان

آج قولاغیم دینج قولاغیم

 آجلیغی وئرمیشک دینجلیگه

آج ائششک آتدان یوگوره گ اولار

 آجین آندی   آند  اولماز

آجی دیندیر مه توخو ترپتمه

آجین قارنی دویار گوزو دویماز

آجین قورشاقیندا چوره ک قالماز

آچیق آغیز آج قالماز

آچیلمامیش سفره نین عیبی اولماز

آچیلمامیش سفره نین بیر عیبی وار آچیلمیشین مین

 آت اولاندامیدان اولماز،میدان اولاندا آت

آتا اوغولا بیر باغ ویردی، اوغول آتیا بیر سالخمدا ویرمدی

آتا یتیره ن قیز ارلنور، آنا یتیره ن اوغول قیز لانور

آتا تخت یارادیب، بخت یارادمیب

آتا آنا رشوتسیز دوستلار

دامنان داما گزه ن کوپکین به لی سینار

داما داما گول اولار دادا دادا هیچ 

دامارا باخیب قان آلاللار

دانیشماق گوموشدهن اولسا دانشمماق قیزیلداندور

دانشیقلی آش دادلی اولار

دانشقلی سوز داغ لاری آشار

دوشان نقده ر یاتار اوقده ر قاچار

دوشانی یرلی ایتینن اولاماق گره ک

درگاه قاپسی آچیق اولاندا ایتین یوخوسو گله ر

دروازه ا قاپوسین باغلاماق اولار خلقین آغیزین باغلاماق اولماز

دووانی بیز ایلمشوق یاغیش قارا داغا یاغیب

ده یرمانچدان آجیخ الین چوالین بوش آپارار

ده یرمانا گیتسه اصفهان خبری گتیره ر

سالام عزیز وحورمتلی دوستلار سیزین هر  تک  

تکینیزده ن ایستگیم بودور منیم استاد قارداشیم

  ((موغان اوغلونون))چوخ گوزه ل وحقیقتن هله هله

یازیلمیان جیغالی تجنیسینه اوز باخیمنزی بیلدیره سیز

((درین حورمتله فهیمی اناری))

 یارایار"جیغالی تجنیس"

حسرتیندن یازیق جانیم اوزولدو

یئتمه دی اللریم سنه یار ،آ یار!

من عاشیغام ، یارا  یار!

رحم ائیله یر یارا،  یار

آرزو بودور دونیادا

قسمت اولا یارا، یار

آلاسان جانیمی آل، اسیرگه مم

قویموشام یولوندا سنین یار،آ  یار

                         آل یاناغیم اولدو سنسیز ساری،گل!

                         ترلان یوردون قویما آلا ساری،گل

                         من عاشیغام ساری ،گل

                         رنگیم اولدو ساری ،گل

                         یارالا ند یم درد یندن

                         گل یارامی ساری،گل

                          درمان گوتور بیر گون بیزه ساری گل

                          مرهم ائیله ، یادا _یارا یار ، آ  یار

                          (موغان اوغلو) یارین دردی یار سالار

                           سینه مده دیر یارین دردی ،یار سالار

                          من عاشیغام ،یار سالار

                          یارین دردی یار سالار

                          اورییمی وئرمیشم

                          یاردان اوترو یار سالار

                          اولسم قبریم اوسته یولون یار سالار

                          بوجانیم دینجلر اوندا ، یارا یار

"  آتالار سوزو"

بیر مثل وار ائل آراسی دیه للر

یاددان چیخماز دیل یاراسی دیه للر

افعی ایلان اژدهی یا هر زامان

قنیم اولار اوز بالاسی ،دیه للر!

بیر نا خیری آلادانا، گورلییار

پاک ایمانین بیر یالانا ،گورلییار!

وار وقارین بیر یالانا گورلییار

اوغلان دایی،قیز خالاسی ،دیه للر!

اولو اولسا!نه قدر دوه بیرسی

بیر ساروانا ،یوکدو اونون دریسی

خیر خواهلار،یئر اوزونون پریسی

ار آتانی ائل آتاسی دیه للر

ارتوتانی ،ائل توتاسی دیه للر

سایدا آدام ،یوک آدیلا سایلار

نر بیله کله ر شئر آدیلا سایلار

تنبل انسان لوی آدیلا سایلار

مایا،گووئین آرواناسی دیه للر!

من ارمنی ،سن مسلمان قولاق آس

بئله گئتسه ،نه حامام وار، نده تاس!

قاطار-قاطار کاروانلارا توتاق یاس

جار-جار اولسا نر مایاسی دیه للر!

بد اصیلده ن ساخت کاردان الحذر

پیس اولادان پیس آرواد دان الحذر!

یامان قونشو، نادان دوستان الحذر

بال یئمه گین، وار بلاسی دیه للر!

مثل لرین هر کلمه سی، اینجی دیر!

گله جگین، خزینه سی، گنجی دیر!

حاق دانیشماق چوخلارینی اینجی دیر!

کیشی سوزو، بیر اولاسی دیه للر.

قوجا )

"مغان اوغلو" الهام آتین یهــــــرله

چک أؤزنگی ، دورما هنـــر واختیدیر

چاپ گئجه نی ، قوی آچیلاق سحرله

اومما منده ن، طبعین انه ر واختیدیر

مغان اوغلو )

" قوجا قارداش مغان اوغلو خسته دیر

احوالینین یامان بته ر ، واختیدیــــــــر !

آهی _واینان ، یولا سالدی دنیانی

عومرونون - گونونون هدر واختیدیر !

قوجا )

آز ویرگیلان ناسازلیغا اؤزونو

گل دئگیله ن ، منه سؤزون دوزونو .

چاپمالیسان ، منله بـــو یول اوزونو

یاتما گولوم ، کاروان گئده ر واختیدیر !

مغان اوغلو )

آرزوم بودور دوستا حورمت بسله یم

دوز دئیره م نئچه واختیدیر ، خسته یم

اینان گیلان ، بیرجه توکون اوسته یم

عومور ، منزیلینه یئته ر واختیدیر !

قوجا )

قادان دئیسین پیس آدامین جانینا

کونلوم ایسته ر ،! تئز-تئز گلیم یانینا

دوست اودور کــــی ! یامان گونده تانینا

غـــــم شله سی ، بئله مینه ر واختیدیر !

مغان اوغلو )

قوجا باغبان باغچان بارسیز اولماسین

آلماسیز- هیواسیز ، نارسیز اولماسین

موغان اوغلو گره گ عارسیز اولماسین

چکیب باغلاماغا ، کمر واختیدیر !

قوجا )

بــو " قوجا "باغبانین باغی تالانمیش

اکدیگی لاله لر ، قــــــانا ، بلنمــــــیش

سینه سی حسرت له ، گوزه قالانمیش

چوخ گئیره لیب ایندی ، قهر واختیدیر !

مغان اوغلو )

موغان اوغلو دئیراوزون آغ اولسون

دورد طرفین ، باغچا اولسون باغ اولسون

گوروم سیزین جانیز-باشیز ساغ اولسون

بیرده غمین ، هاچان !؟ ایته ر واختیدیر !